هو : بدي اطلب بيتزا .. بدك شي؟
هي : لا
هو: اوكيه
هي : ولا اقولك .؟
هو: ها .. بدك اطلب لك كمان ؟
هي : مش عارفه
هو: مش عارفه اذا بدك شي ؟
هي : لا
هو :انتي جوعانه ؟
هي: يعني
هو:شو يعني يعني ...؟
هي : يعني معناها مش متاكده اذا كنت جوعانه ولا لا
هو :الواحد لما يكون جوعان بيعرف
هي : مهو يمكن اجوع بعدين
هو : معناها اطلبلك بيتزا
هي : طيب واذا ما كنت جوعانه وقتها... ؟
هو : ما تاكلي
هي : بس هيك بيكون تبذير
هو : طيب ... بتاكليها بكره
هي : واذا ما كان لي نفس اكل بيتزا بكره
هو : هاي ما بدها نفس . الواحد بيقدر ياكل بيتزا كل يوم
هي: انا لا ... ما باكل بيتزا الا لما يكون عندي نفس للبيتزا
هو : معناها بطلب لك اشي تاني
هي : بس انا ما بدي اشي تاني
هو: يعني بدك بيتزا ؟
هي : لا
هو: يعني ما بدك اشي ؟
هي : امبلى
هو: جننتيني شو بدك ؟
هي : اطلب انته لحالك
هو : اخيرا ... ماشي
هي : بس اطلب بيتزا بالتونا
هو : بس انا ما بحب التونا
هي : بس انا بحبها
هو : هو انا بدي اطلب الي وله الك
هي: طبعا الك
هو : طيب وليش بالتونا ..؟
هي: يمكن اجوع لما يوصل الاكل
هو : وشو يعني ؟
هي: بالله ؟ شو فكرك يعني اكل اشي ما يعجبني
هو: ليش هو انتي بدك تاكلي
هي: ليش لا ؟
هو: يا مثبت العقل والدين ... هلا انا لازم اطلب بيتزا الي عشان تاكليها انتي اذا كنتي جوعانه
هي: بالضبط
هو: وانا شو بدي اكل ؟
هي: مهو يمكن ما اكون جوعانه
هو: قتلها
وتم تحويل القضيه الى القاضي (( قتل الزوج الزوجه دفاعا عن النفس ))
صراحه تنينهم اهبل من بعض
موضوع: الله يعينه يلي عنده متل هي المره ... 
الجمعة فبراير 15, 2008 9:32 am
